Таче Марий талешке кече палемдалтеш

            Таче Марий талешке кече палемдалтеш. Тиде кече легендарный марий князь Полтышын ӱмыр лугыч лиймыже дене кылдалтын. Тудо 16-шо курымышто илен да шочмо кундемын эрыкше- верч вуйжым пыштен. Официально Марий талешке кече 1991-ше ий годсек палемдалтеш. Йӱла почеш тиде шарнымашан кече «Талешкын сортаже» акций дене марий сылнымутлан негызым пыштыше Сергей Григорьевич Чавайнлан чапкӱ воктене тӱналын. Марий мер калык марий классик, шанчыеҥ, писатель, поэт, артист- влаклан чапкӱ, шарнымашан оҥа- влак воктеке пеледыш аршашым пыштен. Тыгак кече мучко Марий мер каҥаш «Марий форум: шошо сессий» конференцийым да Мер каҥашын пленумжым эртарен. Тудыжо Марий калыкын 12-шо погынжылан ямдылалтме да эртарыме йодышлан пӧлеклалтеш. Кечывал деч вара марий сотемдарче Павел Глезденёв лӱмеш скверыште пеледыш аршашым пыштыме. Вара конференцийын участникше- влак Оршанке районыш калыкле талешке Мамич Бердейлан вуйым саваш миеныт.
        Фото: Йошкар-Ола мэрий.