11 12 2023 «Эркече» (Ремесленный форум)

Йошкар-Олаште кидмастар-влакын кокымшо форумышт эртыш. Икымше гана лывырге кидан мастарна-влакым тыгай пайремыш 2020-шо ийыште чумыреныт ыле. Тунам мерпориятийым эртарыше-влакат, тушко погынышо-шамычат тыгай вашлиймашын кӱлешлыкшым, вияҥашышт ешартыш йӧн лекмым умыленыт. А кум ий жап ончыктен: мастарлык шуаралтеш, кидпаша-влак поянрак, онайрак да сылнырак лийыныт. Тенийысе форум регион кӱкшытышкӧ лектын.