Алиментым тӱлыдымӧ пӧръеҥым пел ийлан эрык деч посна коденыт

Алиментым тӱлыдымӧ пӧръеҥым пел ийлан эрык деч посна коденыт
Звенигово район гыч 10 ияш ӱдыржылан алиментым тӱлыдымӧ пӧръеҥым уголовный паша почеш мут кучаш шогалтыме. Суд тудлан пашадарже да моло парышыже  гыч ик кудымшо ужаш оксам алиментлан тӱлаш пунчалын. Приговор гыч коеш: тудо администратвный надзорышто лийын да ончычсо ешыжлан полшен огыл. Тудо шолыштмылан, кырымылан, йочалан оксам тӱлыдымылан, еҥын тазалыкшылын эҥгекым ыштымылан, «пуштам» манын лӱдыктымылан, еҥ машинам йодде налмылан, кучемын еҥже ӱмбак кидым нӧлталмылан да мыскылымылан ондакат судитлыме улмаш. Ты гана суд тудым пел ийлан эрык деч посна кодаш да пеҥгыде режиман колонийыш колташ пунчалын.

Прошлые выпуски