Армийыш кайыме деч шылын коштшо куд еҥым мут кучаш шогалтыме
Вашке Россий Армий радамыш шыжымсе призыв тӱналеш. Тиддеч ончыч Медведево районысо следствий пӧлка военный службо деч шылын коштшо- влак шотышто совещанийым эртарен. Тудын пашаштыже Медведево, Килемар, Оршанке районласе сарзе комиссар- влак да Медведево полиций пӧлкам вуйлатышын сомылжым шуктышо лийыныт. Тений следствий пӧлка службо деч шылаш тӧчымӧ шотышто 6 уголовный пашам тарватен. Судын пунчалже почеш чылаштымат мут кучаш шогалтен. Уголовный кодекс почеш штрафым тӱлыктен, ӧкым пашам ыштыктен, 6 тылзылан арестоватлен, але кок ий марте эрык деч посна коден кертыт.
