«Бендериада» фестиваль событийный туризм дене Российысе конкурсышто сеҥышыш лектын
Самара олаште «Рашен Эвент Авардс» конкурсын тӱшка калыкле финалже лийын. Тушто Марий Эл гыч ик проект сеҥышыш лектын, а кокымшыжо призёр лийын. Регион- влак кокласе «Бендериада» мыскара фестиваль «Уремысе театрализованный представлений да карнавал» номинацийыште сеҥышыш лектын. Ынде тудын нерген кок лӱмлӧ профессионал савыктышыште возымо лиеш. Тиде «Эвент энд Тревл» да электрон сборник. Тиде номинацийыштак кокымшо верыш Эрик Сапаев лӱмеш театрын тӱжвалне ончыктымо «Акпатыр» оперыже лектын. Событийный туризм шотышто «Рашен Эвент Авардс» премийын калыкле финалыштыже Российысе 51 кундем гыч 200 утла проект да Беларусь ден Литва гыч кок йотэл проект участвоватлен.
