«Клинок» команде «Православный воин» 7-ше тӱнямбал военно-спорт фестивальыш миен

«Клинок» команде «Православный воин» 7-ше тӱнямбал военно-спорт фестивальыш миен
Эмеково селасе «Покровский» хутор гыч «Клинок» команде «Православный воин» 7-ше тӱнямбал военно-спорт фестивальыш миен. Мероприятий Дивеево села кундемыште, Серафимо-Дивеев монастырьын Флор скитше воктене эртен. Тушто «Казак отро» рӱдерын тӱвыра-спорт площадкыже верланен. 5 гыч 13 ияш марте эн изи участник-влаклан многоборье дене таҥасымаште «Клинок» кумшо верым сеҥен налын. «Штурм» таҥасымаште «Покровский» хуторысо казак- влакын тунемшышт икымше верыш лектыныт. Личный зачётышто Иван Корнилов тыгак икымше лийын, командым вуйлатыше Александр Глухов кокымшо верыш лектын. Кодшо ийын фестивальыш Россий да йот элла гыч военно-спорт да патриот клублаште шуаралтше 300 утла еҥ погынен ыле.

Прошлые выпуски