Чодырам шолыштшо еҥ кок миллион теҥгеаш эҥгекым ыштен
Чодырам шолыштшо еҥ чодыра фондлан кок миллион теҥгеаш эҥгекым ыштен. Козьмодемьянскысе следователь- влак Килемар район гыч 53 ияш пӧръеҥ шотышто уголовный пашам шымлен пытареныт. Следствий рашемден: кодшо ийын июль гыч ноябрь марте титаклыме еҥ чодырам руышо бригаде дене пырля Юрино лесничестве кундемыште иман пушеҥгым пӱчкеденыт. Бригаде озаштын закондымын чодырам руымыж шотышто пален огытыл. Тыге эҥгек кок миллион теҥгеш аклалтын. Эн ончыч чодырам руышым петыреныт, а вара мӧҥгысӧ арестыш кусареныт. Фигурантын ик миллионат пеле теҥгеаш погыжым арестоватлыме. Уголовный пашам судыш колтымо.
