Шагал парышан еҥ- влакым НДФЛ-ым тӱлымӧ деч утарыше законопроектым ямдылыме
Элыштына шагал парышан еҥ- влакым калыкын парышыжлан налог деч утарыме шотышто законопроектым ямдылыме. ЛДПР деч депутат- влак эн изи пашадарын кок кугытшо деч шагал парышым налше- влакым налог деч утарыме шотышто закон проектым ыштеныт. Умылтарыме запискыште возымо: тыгай йӧн дене шагал оксам налше- влаклан кугыжаныш велым полышым ышташ манын документым ямдылыме. Ушештарена: тений икымше январь гыч МРОТ-ын кугытшо 12 тӱжемат 130 теҥге лийын. Законопроектым премьер-министр Дмитрий Медведевлан колтымо.
