Чодыраште пожар лӱдыкшыдымылык правилым пудыртымылан у штрафым палемдыме

            Чодыраште пожар лӱдыкшыдымылык правилым пудыртымылан у штрафым палемдыме. 8-ше июнь гыч административный ответственностьым пеҥгыдемдыше вашталтыш- влак вийым налыныт. Тыге  еҥ- влаклан 15 гыч 30 тӱжем теҥге марте (ондак иктат пеле гыч кум тӱжем теҥге марте ыле), должностной еҥ- влаклан 30 гыч 50 тӱжем теҥге марте (ондак 10 гыч 20 тӱжем марте ыле), юридический лица- влалкан 100 тӱжем гыч 400 тӱжем теҥге марте (ондак 50 гыч 200 тӱжем теҥге марте ыле)  штрафым тӱлыктен кертыт. Укшым, кукшо шудым, моло вашке йӱлышӧ материалым йӱлатымылан эшеат кугурак штрафым палемдыме: еҥ- влаклан 30 гыч 40 тӱжем теҥге марте (ондак кумыт гыч 4 тӱжем теҥге марте ыле), должностной ден юридический еҥ- влаклан эшеат кугурак. Пожар ваштареш посна режимым пуртымо, чрезвычайный ситуацийым увертарыме годым правилым пудыртымылан 40 гыч 50 тӱжем теҥге марте штрафым тӱлыктат. Правилым пудыртымаш пожарыш шуктен гын, тыглай еҥ- влак 50 гыч 60 тӱжем, должностной еҥ- влак 100 гыч 110 тӱжем, юридический еҥ- влак икте гыч кок миллион теҥге марте штрафым тӱлышаш улыт.

Прошлые выпуски