Федераций Советын еҥже- влак Президентын «Антивирусный» манын лӱмдымӧ законпроект- влак пакетшым каҥашат

Федераций Советын еҥже- влак Президентын «Антивирусный» манын лӱмдымӧ законпроект- влак пакетшым каҥашат. Кугыжанышым вуйлатышын темлыме тӱҥалтыш- влакын кӱлешлыкыштым Марий Эл деч сенатор Сергей Мартынов умылтарен. Владимир Путинын обращенийыштыже калыкым социал аралымаш, полышым пуымаш, паша гыч луктын колтымым чарыме, бизнеслан полшымо шотышто раш, умылаш лийше мера влакым палемдыме. Тиде мера- влакын вигак пашам ышташ тӱналмышт моткоч кӱлешан. Сандене Федераций Советын еҥже- влак вигак чумырген, тиде пакетым приниматлаш тӱҥалыныт. Мартынов палемден: Федераций Совет вучыдымо ситуацийым кораҥдыме да ончылгоч шижтарыме шотышто законым сайлан шотлен. Тиде закон вигак 15 федерал законыш вашталтышым пурта. Тудын дене келшышын Российын Правительствыже лӱдыкшӧ лекме годым координаций органын пашажым шуктен кертеш, утларак ямде улмо режимым але чрезвычайный ситуацийым увертараш праван лиеш. Тыгак ЧС лийын кертмын амалже радамыш лӱдыкшым лукшо черым ешарыме. Тыге регионысо кучем посна правил- влакым пуртен, мероприятий- влакым вашталтен кертеш. Тыгак турист- влаклан путёвка оксам пӧртылташ праван, избирком- влакын йӱклымашым, референдумым кусараш полномочийышт лиеш. Икымше апрель гыч 31-ше декабрь марте изи да кыдалаш предпринимательствым тергымаш ок лий. Уголовный кодексышкат вашталтыш лиеш. Тушто- кок цель. Иктыже- санитар-эпидемиологий правилым пудыртымылан кӧра, еҥ ӱмыр лугыч лийын гын, ответственность кугемеш. Кокымшыжо- шоя уверым шаркалымашым чарымаш. Тыге правительство ӱмбаке пеҥгыдемдыме закон- влакым шуктымо шотышто кугу паша возеш,- каласен сенатор.

Прошлые выпуски