Филармонийын у полатыштыже паша шолеш
Марий Кугыжаныш филармонийыште сцене оборудованийын тӱҥ конструкцийжым вераҥдаш тӱҥалыныт. Тидын нерген Марий Элым вуйлатыше Александр Евстифеевлан тӱвыра министр Константин Иванов Правительство пӧртыштӧ эртыше вашлиймашыште увертарен. Объектым жапыштыже шуктыман, каласен глава, тудо ынде 2014-ше ий годсек чоҥалтеш, шкенжын сценжым вучышо коллективым йӧндымылыкыш лукташ сай огыл, манын тудо. Тиде объектын кӱлешлыкшым Российын премьер- министрже Михаил Мишустин денат каҥашыме. Тиддеч вара пашам чарыме объектым мучашлаш 317 миллион теҥге окса толын.
Республикым вуйлатыше тӱвыра министр деч Кугыжаныш Кремль Полатыште лийшаш концертлан ямдылалтмаш кузе кайыме нерген йодын. Республикын 100 ияш лӱмгечыжлан концерт пандемийлан кӧра кок гана кусаралтын. Ынде тудо 25-ше июньышто лийшаш. Министрын мутшо почеш, концерт ямде. Туддеч посна Москош выставкымат наҥгаят. Тиддеч посна Константин Иванов Эрик Сапаев лӱмеш театрын Дубайыш гастроль дене мийымыж нерген каласкален. Тудо пеш чаплын эртен, манын. Вес ийланат ӱжмашым налме. Тиддеч посна октябрь тӱҥалтышыште Вликобританийыш мияш ӱжмашым налыныт.
Кызыт театр Галина Уланова лӱмеш фестивальлан ямдылалтеш. Тудыжо 9-ше апрельыште «Анюта» балетын премьерыже дене тӱҥалшаш. Адакшым 25-ше мартыште Тӱвыра пашаеҥ- влакын кечыштлан ямдылалтмаш кая. Тушко тӱвыра министр Республикым вуйлатышымат мияш ӱжын.
Республикым вуйлатыше тӱвыра министр деч Кугыжаныш Кремль Полатыште лийшаш концертлан ямдылалтмаш кузе кайыме нерген йодын. Республикын 100 ияш лӱмгечыжлан концерт пандемийлан кӧра кок гана кусаралтын. Ынде тудо 25-ше июньышто лийшаш. Министрын мутшо почеш, концерт ямде. Туддеч посна Москош выставкымат наҥгаят. Тиддеч посна Константин Иванов Эрик Сапаев лӱмеш театрын Дубайыш гастроль дене мийымыж нерген каласкален. Тудо пеш чаплын эртен, манын. Вес ийланат ӱжмашым налме. Тиддеч посна октябрь тӱҥалтышыште Вликобританийыш мияш ӱжмашым налыныт.
Кызыт театр Галина Уланова лӱмеш фестивальлан ямдылалтеш. Тудыжо 9-ше апрельыште «Анюта» балетын премьерыже дене тӱҥалшаш. Адакшым 25-ше мартыште Тӱвыра пашаеҥ- влакын кечыштлан ямдылалтмаш кая. Тушко тӱвыра министр Республикым вуйлатышымат мияш ӱжын.
