Йӱклаш куштылго лиеш

Кушто улмо верыште йӱклашлан йодмашым налаш тӱҥалме. Россий Конституцийыш тӧрлымашым пуртымо шотышто илыме верыште огыл, а кушто улмо верыште йӱклаш шонышо- влак деч 5-ше июньышто йодмашым налаш тӱҥалме. Тыгай йӧным «Мобильный избиратель» механизм пуа. Тидлан йӱклышӧ еҥлан илыме верыште але кушто улмо верыште йодмашым налме пунктышко йодмашым гына пуаш кӱлеш. Тидым республикысе 18 территориальный сайлыме комиссийыште, шуко функциян рӱдерлаште, «Кугыжаныш да муниципал портал» федерал  кугыжаныш  увер системе гоч электрон йӧн дене  ышташ лиеш. Йодмашым 21-ше июньын 14 шагат  марте пуыман. Тидын годым пелен паспорт лийшаш.

Прошлые выпуски