Изи Какшан эҥер пундашым эрыкташ тӱҥалыт
Изи Какшан эҥер пундашым эрыкташ тӱҥалыт. Тиде паша Йошкар-Оласе Ширяйково микрорайон кундемыште шукталтшаш. Экспертизын келшыше заключенийжым налме. Паша «Ойыртемалтше вӱд объект- влакым арален кодымаш» федерал программе да регионысо проект кышкарыште шукталтеш. Пӱртӱс поянлык министерствын увертарымыж почеш, паша 2022-шо - 2024-ше ийлаште, федерал бюджет гыч окса толмеке, шукталташ тӱҥалеш.
Фото: Маримедиа.
Фото: Маримедиа.
