Кӱртньӧ корнышто кок азап лийын
Марий Элыште йӱшӧ автомобилист локомотив дене тӱкнен. Тиде случай теҥгече эрдене Медведево районышто лийын. Аксаматово-Нолька корнышто Горький кӱртньӧ корнын 114-ше меҥгыштыже Киров гыч 24 ияш йӱшӧ еҥын виктарыме ВАЗ 21140 машина йошкар тул йӱлымӧ годым кӱртньӧ корно гоч вончен. Тыге машина Нолька станцийышкыла кайыше электровоз дене тӱкнен. Иктат эмганен огыл, но транспорт- влаклан эҥгек ышталтын. Эше кок кече ончыч Звенигово районысо Кирпичный посёлкышто 16 ияш рвезе товарный поезд йымак логалын. Тидын нерген верысе пӧръеҥ увертарен. Тудо моҥгыштӧ улмыж годым поездын кужу гудокшым колын да писын чарнаш тӧчымӧ йӱкшӧ шоктен. Рашемдаш манын тудо рельс деке куржын да машинист деч рашемден: поезд рвезым тӱкен, вара тудым коктын орава йымач шупшын луктыныт. Тудыжо йыҥысаш тӱҥалын. Врач ден полиций пашаеҥ- влакым ӱжыктеныт. Рвезе нелын эмганен, эмлыме верыште врач- влак тудын илышыже верч кучедалыт.
