«Калык вургеман курчак- влакын ямышт» ончер почылтын
Йошкар-Олаште «Калык вургеман курчак- влакын ямышт» ончер почылтын. Теҥгече калык кидпаша мастарлык тоштерыште Роза Глушкова ден Людмила Глушкова-Новосёлован усталык паша ончерышт почылтын. Тушко Российысе калык- влакын вуремыштым чиктыман 50 утла курчакым лукмо. Нуным ава ден ӱдыржӧ ыштеныт. Коллекцйын негызшылан марий вургеман курчак- влак шотлалтыт. Роза Глушкова- У Торъял гыч тӱрлызӧ. Тудо тӱрлӧ выставке ден фестивальлаште участвоватла. Тудын пашажым ӱдыржӧ Людмила Глушкова- Новосёлова шуя. Тудо шкенжын кугу тоштержым почаш шона. Тушто 58 костюм гына огыл, а тӱнямбалсе чыла калыкын вургемже ончыкталтше манеш тудо. Людмила ден тоштер пашаеҥ- влак кок тылзе наре жапыште мастер-классым эртарат. Людмилан Маша ӱдыржат аваже да коважлан курчак вургемым ургаш полша, шкежат ургымо мотор вургемым чиен шогалаш йӧрата. Ончер 28-ше март марте пашам ышта.
Фото: yoshkarola.bezformata.com
Фото: yoshkarola.bezformata.com
