Козьмодемьянскыште калыкле проект почеш очистной сооруженийым чоҥымо

                  Козьмодемьянскыште калыкле проект почеш очистной сооруженийым чоҥымо, «60+» проектын коммунал инфраструктурыжын объектше- влакым уэмдымаш мучашлалтеш. Коммунал инфраструктура объект- влакым тӱшкан уэмдымылан кӧра, Юл серысе ола производство сферым, туныктымо, краеведений, турист пашам вияҥдаш у шӱлышым налеш, калыкын илыш качествыже саемеш. Республикым вуйлатыше Александр Евстифеев паша дене Козьмодемьянск олаш миен, у очистной сооружений- влакым ончен. Сооруженийын куатше суткаште вич тӱжем кубометрыш шуэш. Пашан акше 344 миллион утла теҥге. Очистнойын технический зданийже деке вӱд пуч да канализаций сетьын коммуникацийжым ушымо, пожар резервуарым да тӱҥ модульым вераҥдыме. Тушто биологий рекаторын  технологий оборудованийже лиеш. Тиддеч посна воктелсе кумдыкымат тӱзландарыме. Александр Евстифеевлан вӱдым кузе эрыктымым ончыктымо, тора гыч тергыме системе нерген ойлымо. Чыла паша нерген увер диспетчерын мониторышкыжо толеш. У технике пашаеҥ- влакын сомылыштым ятырлан куштылемда.                           Козьмодемьянскыште тыгак «60плюс» федерал пилот проект шыҥдаралтеш. Тудо коммунал инфраструктурын 60 утла процентлан тоштемше объектше- влакым уэмдымашке виктаралтын. Республикым вуйлатыше канализаций да насос станцийым ончен. Тушто пужен ыштыме паша мучашыш лишемеш. Чоҥымаш министр Михаил Степанов умылтарен: кугу куатан станций оласе кучылтмо вӱдын 90 процентшым очистнойыш тулен лукташ палемдылтын. Тиддеч посна напорный коллекторын кум меҥге утла шуйнышо кок пучшым вашталташ ямдылат.                                Александр Евстифеев чыла пашаштыжат шуктымо жапым эскераш кӱштен да палемден: кок объектым чоҥымылан кӧра Козьмодемьянск канализаций системым обслуживатлыше кызытсе жаплан келшыше у системе дене пойдаралтеш. Канализаций системым декабрь мучашлан ыштен шуктышаш улыт.

Прошлые выпуски