Красностекловар интернат-пӧртыштӧ у корпусым пашаш колтымо

                    «Демографий» калыкле проектым шыҥдарыме кышкарыште Красностекловар интернат-пӧртыштӧ у корпусым пашаш колтымо. У ий вашеш тушто илыше 100 еҥ у корпусысо коло пӧлемыш илаш куснен. Пӧлем- влак кызытсе илышын йодмыж почеш ышталтыныт, приём да карантин пӧлкаже, кочмывер, медперсоналын пӧлемже, книгагудо, озанлык да санитар пӧлем, процедуро кабинет, юмылтымо пӧлем, лифт уло. Корпусым 2019-ше ийыште чоҥаш тӱҥалме ыле. Илыме пӧлемын кумдыкшо кок тӱжемат 300 утла квадрат метр, 78 миллион утла теҥге оксам кучылтмо.

Прошлые выпуски