Курчак театрын актрисыже онлайн- фестивальыште сеҥышыш лектын
Республикысе курчак театрын актрисыже, Марий Элын калык артисткыже Галина Ковалёва «Курчак отро» регион- влак коклаксе онлайн-фестивальыште «Эн сай актёр» номинацийыште сеҥышыш лектын. Тудо «Лум ӱмбалне пырысиге» спектакль гыч «Шинчанужшо корак» курчак дене выступатлен. Фестивальым Костромасе курчак театрын Ютуб каналыштыже вияш эфирыште ончыктымо. Таҥасыме кум кече деч вара ончышо- влак кум номинаций дене шке йӱкыштым пуэныт. Фестивальыште 16 театр шке мастарлыкшым ончыктен.
