Марий Эл гыч самырык изобретательым Кугыжаныш Думышто саламленыт

Марий Эл гыч самырык изобретательым Кугыжаныш Думышто саламленыт
Россий Кугыжаныш Думышто «Самырык техник да изобретатель- влак» Россий конкурсышто сеҥыше- влакым саламленыт. Республикысе йоча да самырык техник усталык рӱдерыште шуаралтше рвезе призёр радамыш пурен. Артемий Рогачевский «Изи эҥер ден ерлаште вӱд йымалне кийыше пушеҥгым лукмаш» проектым арален да «Корабльым чоҥымо технологий» номинацийыште призёр лийын. Торжественный церемонийыште тудлан призым Судным чоҥышо Объединённый Корпораций кучыктен. Йоча да самырык техник усталык рӱдерын «Робототехнике» ушемыштыже ешартыш шинчымашым пуышо педагог Владимир Изиков куд эн сай наставник радамыш пурен да кокымшо степенян диплом дене палемдалтын. Тений конкурс кудымшо гана эртен. Сеҥышыш лекшаш верч элысе 77 кундем гыч куд тӱжем утла еҥ кучедалын.

Прошлые выпуски