Марий поэзий ден прозын антологийышт савыкталт лектын

Марий Элын 100 ияш лӱмгечыже вашеш марий поэзий ден прозын антологийышт савыкталт лектын. «Марий книга савыктыш» Издательстве пӧрт «Край соловьиный» да «Рассвет над Кокшагой» поэзий да прозо антологий- влакым луктын. Кажныже кок том гыч шога. Тушко марий автор- влакын произведенийыштым руш йылмыш кусарен савыктыме. Поэзий книгашке Сергей Чавайнын «Ото» почеламутшо гыч тӱҥалын, 86 авторын почеламутышт пурталтын. Прозо кок томан книгашке 54 писательын, тӱҥ шотышто, ойллымашышт пурен. Кажне антологийже тӱжемат пеле экземпляр дене савыкталтын.

Прошлые выпуски