Марий Элын сборный командыже парашют спорт дене Россий кӱкшытан таҥасымашыште участвоватла
Марий Элын сборный командыже парашют спорт дене Россий кӱкшытан таҥасымашыште участвоватла. Республикыштына чарыме мероприятийым йыжыҥын-йыжыҥын кораҥдыме план дене келшышын, кокымшо йыжыҥыште физкультурно-спорт организаций- влаклан сборный команде- влакын тренировкыштым эртараш йӧным ыштыме. Кодшо каныш кечылаште парашют спорт дене республикын сборный командыже Йошкар-Ола ӱмбалсе каваште ямдылалтмашым эртарен. Тиде Российын Геройжо Марк Евтюхин лӱмеш Россий кӱкшытан таҥасымашлан ямдылалтме кышкарыште лийын. Тудыжо тений сентябрьыште эртышаш. ДОСААФ-ын верысе пӧлкаже, Йошкар-Оласе авиационно- спорт клуб воин-десантник- влакым тунемме да тренироватлалтме шот дене тӧрштылмашке ӱжыт. Тӧрштылмаш- влакым 11-ше, 18-ше, 25-ше июльлан да 1-ше ден 2-шо августлан палемдыме. Аэроклубышто ончылгоч возалташ кӱлеш. Парашют спортым шарен колташ манын, 26-шо июльышто парашютист- влак показательный выступленийым ончыктат да оласе рӱдӧ пляжыш волен шинчыт. Тиддеч посна ДОСААФ-ын верысе пӧлкаже парашют дене тӧрштымым ончыктышо эн сай фотосӱретлан конкурсым увератрен.
