Марий Эл ден Беларусь коклаште вашкыл вияҥаш тӱҥалеш

          Марий Эл ден Беларусь коклаште вашкыл вияҥаш тӱҥалеш. Марий Элым вуйлатыше Юрий Зайцев ден Озаҥ олаште Беларусь республикын посольствыжын пӧлкажым вуйлатыше Виктор Щетько дене вашлиймаш паша да партнёр кылым кумдаҥдаш у платформым ышта. Кок велым вашкыл ужалкалыме да экономике аланыште гына огыл, тӱвыра да шанче-техник велымат вияҥеш. Кок правительстве коклаште вашкыл шотышто соглашений уло. Тыгак тудым 2021-ше 2023-шо ийлаште шыҥдараш мероприятий- влак планым пеҥгыдемдыме. Пытартыш жапыште Марий Эл ден Беларусь коклаште ужалкалыме да экономик кылыште сай вашталтыш палдырна. Внешнеторговый оборот кок эл коклаште кодшо ийын 26 миллион долларым эртен да 2020-шо ий дене таҥастарымаште 12 утла процентлан ешаралтын. Беларусь республике улшо предприятийлаште импортым алмаштыше пырля проект- влакым ончаш, у предприятий- влакым ышташ ямде,- каласен Озаҥ олаште Беларусь респубикын посольствыжын пӧлкажым вуйлатыше.
             Фото: Марий Элым вуйлатышын организаций да аналитик виктемже.

Прошлые выпуски