Марий Эл гыч туныктышо «Российын талукысо туныктышыжо- 2021» конкурсын федерал йыжыҥыштыже моштымашыжым ончыкта

               Марий Эл гыч туныктышо «Российын талукысо туныктышыжо- 2021» конкурсын федерал йыжыҥыштыже моштымашыжым ончыкта. Медведево районысо Краснооктябрьскысе кыдалаш школышто  тӱҥалтыш класслам туныктышо, республикысе конкурсышто сеҥышыш лекше Елена Николаевна Романова федерал йыжыҥыште участвоватла. Тудыжо тачысе кече гыч 10-шо октябрь марте Ростов-на-Дону ола ден Москошто эртаралтеш. Финал ныл тур гыч шога: заочный, да очный икымше, кокымшо, кумшо тур- влак. Очный тур- влак сайтыште ончыкталтыт. Эн шуко баллым погышо 15 конкурсант лауреат лӱмым налеш да кокымшо турыш кусна. Чыла турыштат эн шуко баллым погышо «Российын талукысо туныктышыжо» конкурсышто сеҥыше семын увертаралтеш.

Прошлые выпуски