Май пайрем годым утарыше- влак кок гана эҥер ден ийын волышо- влаклан полшаш миеныт

            Май пайрем годым утарыше- влак кок гана эҥер ден ийын волышо- влаклан полшаш миеныт. Ончыч рушарнян кастене аварийно утарыше службын пультышкыжо увер пурен: Ӱшӱт эҥерыште Мочалище ден Шолеҥер посёлкыла коклаште турист- влак катамарн гыч камвочшо пӧръеҥым верештыныт. Тудыжо серыште улмаш. А командыже умбакыже ийын каен. Толшо утарыше- влак тудым муыныт да Шолеҥер воктелсе Ӱшӱт гоч кӱвар марте эвакуироватленыт. Тушто тудо шке группыжым вучаш кодын. Шочмын кастене эше ик увер пурен: Звенигово районышто Ошытъял деч тораште огыл турист- влакын катамаран ден Ӱшӱт мучко ийын волымышт годым пушышт ӱмбак пушеҥге сӱмырлен, ик еҥже эмганен. Звениговысо аварийно-утарыше службын оперативный группыжо вашке гына тушко миен да пӧръеҥлан икымыше полышым пуэныт да эмлыме верыш наҥгаеныт.
           Фото: Марий аварийно-утарыше служба.