Моско гыч ойгандарыше увер тольо
Тиде арнян Моско гыч ойгандарыше увер тольо. Элнан Рӱдӧ олаштыже Марий Эл землячествын кок еҥже ӱмыр лугыч лие. 16-шо январьыште землячествым чумырышо да тудым виктарен шогышо, Курык марий кундемын шочшыжо Юрий Иванович Ерофеевын шӱмжӧ кырымым чарнен. Тудо 1940-ше ийыште шочын. Тудым тойымо кечын, 19-ше январьыште землячествым кызыт вуйлатыше, чолга да поро марий ӱдырамаш, Пошкырт кундемын шочшыжо Елена Ивановна Минилбаева уке лие. Тудо пытартыш жапыште онкологий черлан кӧра, эмлыме верыште лийын. Нунын поро пашашт калык шӱмеш эрелан шарнымашеш кодеш.
