Оршанке районышто кок фермер кресаньык озанлыкым ышташ да вияҥдаш кум миллион теҥге грантым налын
Оршанке районышто кок фермер «Изи да кыдалаш предпринимательство да посна амалкалче пашалан полшымаш» калыкле проект кышкарыште кресаньык озанлыкым ышташ да вияҥдаш кум миллион теҥге грантым налын. Тиде- кресаньык-фермер озанлыкым вуйлатыше- влак Изи Каракша ял гыч Юрий Тимаков дене Кугу Ӧрша ял гыч Дмитрий Козлов. Юрий Тимаков озанлыкышм тений февральыште регистрироватлен. Тудын младе участкыже уло. Тушто шошо-кеҥежым гына огыл, а идалык мучко киярым ончен- кушташ шона. Тидлан типлице кӱлеш. Налме оксам лач тидлан кучылтнеже. Дмитрий Козловын озанлыкше тений мартыште вийым налын. Тудо шке мланде участкыштыже шудым солаш, вольыкым кӱташ, кокияш да икияш культурым ончен кушташ шонен пыштен. Грант окса дене тудо шыл урлык ушкалым да тракторым налаш палемден. Окса полыш фермер- влаклан ял озанлыкым вияҥдаш гына огыл у пашавер- влакым ышташ йӧным пуа.
