Пӱртӱс поянлык министерстве оласе «Интеграл» микрорайон шотышто пашам умбакыже виктара
Пӱртӱс поянлык министерстве оласе «Интеграл» микрорайон шотышто пашам умбакыже виктара. Тиде микрорайонышто верланыше производственный объект- влак- пилораме- шамыч йырым йырысе средам амыртат, а калык тидлан вуйым шиеш. Нунын йодышыштым виктараш республикысе пӱртӱс поянлык министерстве ушнен. Уверым министр Алексей Киселёв пуэн. Тудо тений 21-ше июньышто йӱдым квадрокоптерым кучылтын рейдым эртарыме нерген видеом темлен. Рейдыште амыртыше- шикшым лукшо кок верым рашемдыме. Иктыже министерствылан палыме. Тудлан шижтарымашым колтымо. Кокымшыжо нерген министерствын данныйже уке. Кызыт Йошкар-Олан администрацийже дене пырля тиде субъект рашемдалтеш. Министр палемден: рейд да паша лектыш нерген увертарен шогаш тӱҥалына. Йӱд рейдыш ушнаш шонышо- влакым электрон адрес гоч ушнаш ӱжына. Адресше «мпр12@ гов.мар.ру»
Фото: скрин. МариМедиа.
Фото: скрин. МариМедиа.
