Тений республикыште 9 еҥ вӱдыш пурен каен
Тений республикысе ер, пӱя да эҥерлаште 9 еҥ вӱдыш пурен каен. Черетан туткар кодшо рушарнян Курык марий районышто лийын. Утарыше- влак 1963-шо ийыште шочшо пӧръеҥын капшым вӱд гыч луктыныт. Тудо, очыни, колым кучаш миен улмаш. Статистикым ончалаш гын, ӱмаште тиде жаплан 12 еҥ ӱмыр лугыч лийын. Шокшо толмо дене еҥ- влак утларак вӱд воктеке вашкат, но лӱдыкшӧ нерген шукыж годым огыт шоналте.
