Республикыштына сад-пакчала гыч шолыштмаш- влак огыт чарне

Республикыштына сад-пакчала гыч шолыштмаш- влак огыт чарне. Ик суткаште полицийыш сад участке гыч шолыштмо нерген йодмаш дене кок еҥ миен. Иктыже Звенигово районысо Уржумка ялысе «Спутник» товариществыште лийын. Толышо еҥ окнам пудыртен пурен да газ баллоным, гез резакым да кок шлангым наҥгаен. Уголовный пашам тарватыме нерген йодыш шога. Вес осал пашаже Медведево районысо «Мазар» товариществыште лийын. Пояш шонышо тыгак окнам пудыртен пурен да электроӱзгар- влакым наҥгаен. 23 ияш ӱдырамашлан 12 тӱжем теҥге утла эҥгекым ыштыме. Уголовный пашам тарватыме.

Прошлые выпуски