Республикым вуйлатыше «Авангард» рӱдерыш миен

                   «Авангард» рӱдерын кум тылзе пашам ыштыме жапыште тудын негызеш 355 курсант тунеммашым эртен. Марий Элым вуйлатыше Александр Евстифеев самырык тукымым военно-патриот шӱлышеш шуарыме «Авангард» рӱдерыш миен. Тудым кодшо ийын Российын Президентше Владимир Путинын кӱштымыж почеш ыштыме ыле. Марий Эл Юл кундем округышто Россий Президентын кӱштымашыжым шуктышо икымше, Россий мучко 12-шо лийын. Тидын нерген оборона министерствын совещанийыштыже увертарыме. Шочмын 1-ше мартыште тиде рӱдерыш у смена толеш. Марий Элым вуйлатыше корпус- влакым ончен лектын, рвезе- влакын илыме да кочмо йӧнышт ден палыме лийын, самырык тукымым физически да военно-патриот шӱлышеш ямдылымаш кузе эртыме нерген умылкален, могай районла гыч курсант- влак лийме нерген йодыштын. Рӱдерым вуйлатышын сомылжым шуктышо Евгений Мочкинын мутшо почеш, 19-ше октябрь гыч тений январь мучаш марте 355 курсант тунеммашым эртен. Нуно У Торъял, Медведево, Советский, Звенигово, Марий Турек, Морко, Шернур районла да Йошкар-Ола гыч толыныт. Тений идалык мучко сменылаште кум тӱжем наре ийготыш шудымо- влак лийшаш улыт. Кодшо ийын рӱдерым оборудований дене пойдараш 10 миллион теҥгем ойырымо, а тений 37 миллионым пуаш палемдыме. Тиде шийвундо 10 гыч 17 ияш марте рвезе- влаклан вич кечаш сборым эртараш, «Илыш лӱдыкшыдымылыкын негызше» предметым туныктышо- влакын квалификацийыштым нӧлташ, пӧлемлам олмыкташ, оргтехникым налаш кая.

Прошлые выпуски