Республикысе 528 еҥ уэш тунеммашым эртен кертеш
«Демографий» калыкле проект кышкарыште республикысе 528 еҥ уэш тунеммашым эртен кертеш. Тений калыкле проектын «Пашавреым муаш полшымаш» федерал проектше кышкарыште профессионал шинчымашым пуымо да ешартыш профессионал туныктымо паша умбакыже шуйна. Марий Эллан 528 еҥым туныкташ квотым пуымо,- увертара паша да социал аралтыш министерстве. Таче кечылан 45 еҥ тунемаш тӱналын. Нунын кокла гыч 9 еҥже 50 ияш да кугурак, пенсий ийготыш лишем толшо улыт, декретыште улшо 13 ӱдырамаш, школыш коштдымо 7 ияш марте икшыван пашам ыштыдыме кум ӱдырамаш, занятость службышто шогышо, пашадыме 20 еҥ улыт. Паша рынкыште йодмаш дене пайдаланыше профессий- влаклан туныктат. Тиде- коммерций организацийлаште бухгалтер учёт, социал паша дене специалист, кадр паша, закупко аланыште специалист, кугыжаныш да муниципал виктарымаш, маркетплейс дене пашам ыштыше менеджер, финанс менеджер, туныктымо пашаште менеджмент да молат.
