Республикыштына ковид дене нелын черланыше- влакын чотышт ешаралтын

                           Республикыштына ковид дене нелын черланыше- влакын чотышт ешаралтын. Кок арняште республикысе стационарлашке кондымо нелын черланыше- влак ешаралтыныт. Тидын нерген  Марий Элым вуйлатыше Александр Евстифеевын эртарыме правительстве коллегийын заседанийыштыже тазалыкаралтыш министр Марина Панькова увертарен. Тудын мутшо почеш, тыгай ситуацийын тӱҥ амалже- пациент- влакын эмлыме верыш вараш мийымышт. Марина Панькова рашемден: кызыт ковид черан- влаклан 10 медицина тӧнежыште тӱжемат 494 койко уло. Тушто 918 черле эмлалтеш. Тӱшка койкын 61 процент верже айлалтын. Кажне кечын стационарлашке 60 наре еҥ пышталтеш. Куштылгын черланыше- влак амбулаторно эмлалтыт да чыла кӱлеш эмым яра налыт. 46 процент черле кислород полышым налеш. ИВЛ, аралалтме средстве ситышын уло. Пайрем кечылаште тестым эртарымаш шагалемын огыл, суткаште тӱжемат 360 анализым ыштыме. Вакцинаций нерген ойлымо годым министр палемден: республикыш кок тӱжемат 292 дозо вакцине толын. Нуным медицина тӧнежла коклаште шеледыме. Тымарте коронавирус деч 750 еҥлан прививкым ыштыме.

Прошлые выпуски