Республикыштына Монага эҥер сер кумдыкым эрыктат
Республикыштына Монага эҥер сер кумдыкым эрыктат. Йошкар-Ола мэрын икымше алмаштышыже ушештарен: ноябрьыште нуно Семёновкысо территориальный виктемын пашаеҥже- влак дене пырля эҥер сер- влакым, Монага эҥерымат, терген лектыныт. Тушто шошо вӱдшор годым ял- влакым вӱд налме лӱдыкшым иземдаш ямдылалтме йодышым онченыт. Ресурсым ситарыше организаций- влакын пашаеҥышт эҥер гоч пыштыме газ пуч кундемыште оролымо зоным эрыктеныт. Но тунам начар игече шогымылан да корно лозыргымылан кӧра сӱмырлышӧ да кийыше пушеҥге- влакым луктын пытарыме огыл. Теве ынде теле толмеке тиде пашалан уэш пижыныт.
Фото: Лев Покровский ВК.
Фото: Лев Покровский ВК.
