Республикыштына Озаҥ трактым олмыктат
Республикыштына Озаҥ трактым олмыктат. Корнын ӱмбал леведышыжым уэмдымаш Медведево, Звенигово районлаште да Волжск олам йыр савырнен кайыме корнышто тарвана. Корнын тӧр огыл ужашыжым, шелшыжым олмыкташ ныл сантиметр кӱжгыт асфальтобетон вартышым шарат, корно тӱрым пеҥгыдемдаш тӱҥалыт. Чылаже тений «Волго-Вятск управтодор» виктемын заказше почеш республике кӧргысо 138 меҥге кужыт федерал автомобиль корным норматив марте шуктышаш улыт. Кодшо ийын трассылаште 30 меҥгым олмыктымо ыле.
