Санкт-Петербургышто «Петерфуд-2019» 28-ше Тӱнямбал кочкыш сату выставке почылтын
Теҥгече Санкт-Петербургышто «Петерфуд-2019» 28-ше Тӱнямбал кочкыш сату выставке почылтын. Тиде Российысе Йӱдвел-касвел кундемжын кочкыш сатум ончыктышо тӱҥ выставкыже. Тудо паша кылым ышташ да шке сату дене рынкыште палдараш моткоч сай йӧн. Тудын кышкарыште «Наша марка» да «Инноваций сату» дегустаций конкурс, «Кугу олан торговльыжо» Петербургысо 19-ше Продовольствий форум, оборудованийым ситарыше да услугым пуышо- влакын Российысе кумшо форумышт, тӱрлӧ семинар ден мастер- класс- влак эртат. Тений Марий Эл гыч тушто шке сатуштым «Чай Руси», «Йошкар-Оласе хладокомбинат», «Икымше кинде завод» да «ПК Лина» ушем ончыктат.
