Озакъялысе школышто окна- влакым вашталтыме

Озакъялысе школышто окна- влакым вашталтыме
Общественно кӱлешан проект- влакын конкурсышт почеш Медведево районысо Озакъял школ у окна- влакым налын. Тиде проект конкурсышто сеҥышыш лектын да илышыш шыҥдараш окса полышым налын. Проектше энергетике ресурсым пайдалын кучылтмашым кугемдыме  да йоча садын бюджетшын финанс нелылыкшым иземдымаш дене кылдалтын. Тиде Озакъялысе Геннадий Петухов лӱмеш тӱҥалтыш школ-йоча садыште шокшо дене пайдаланымылан шагалрак тӱлымӧ нерген ойлалтеш. Проектын кӱлешлыкше илемыште калык дене пашам ыштыме вер укелан кӧра, школ йоча-садын зданийжым шуко кӱлешлыклан кучылтмо дене кылдалтын. Проект кышкарыште тоштемше 9 окнам шокшым аралыше у стеклопакет дене вашталтыме. Школын директоржо Галина Калиеван мутшо почеш, тидым шукертсек вучымо. Школым 1986-шо ийыште пашаш колтымо. 33 ий жапыште тудо уло Озакъял кундемысе калыклан тӱвыра да шинчымашым шарыме рӱдерыш савырнен. Ик пӧлемыште ялысе книгагудым вераҥдыме, музыкальный зал шукертсек калык погынымашым да тӱшка мероприятийым эртараш кучылталтеш.

Прошлые выпуски