Сенатор Сергей Мартынов регионлан калыкле проект- влакын кӱлешлыкышт нерген каласкален

Сенатор Сергей Мартынов регионлан калыкле проект- влакын кӱлешлыкышт нерген каласкален. Федераций Советын оборона да лӱдыкшыдымылык шотышто комитетшым вуйлатышын икымше алмаштышыже, Марий Эл деч представитель Сергей Мартынов Шернур районысо Лажъял школыш миен. Класс- влакым ончен лекмек, школ столовыйыш миен, тунемше- влакым шокшо кочкыш дене пукшаш ямде улмыж нерген умылкален. Кугу сарлан пӧлеклалтше экспозицийым ончен да книгагудылан сылнымут да справочный литературым пӧлеклен. Район администрацийым вуйлатыше Александр Кугергин школын йодышышжо- влак нерген каласкален. Тудын леведышыжым олмыктыман, окна- влакым вашталтыман. Проект да смете документаций ямде, федерал калыкле проект- влак почеш ешартыш окса лектеш гын, район пашаш ушнаш ямде, манын. Элыштына президентын кӱлешан кӱштымашыже- влак шукталтыт. Нуным шуктымо годым, ондак программыш пуртыдымо объект- влаклан окса лектын кертеш. Сандене документаций эре ямде лийшаш, - ушештарен республикым вуйлатышын мутшым сенатор. Вара школ коллектив да тунемше- влак дене вашлийын, Федераций Советын пашаже нерген каласкален.

Прошлые выпуски