Шернурын сырзаводын сутжо тӱнямбал стандартлан келшен толеш

Шернурын сырзаводын сутжо тӱнямбал стандартлан келшен толеш
«Шернур сырзаводым» тӱнямбал стандартлан келшен толмыж шотышто сертифицироватлыме. Тудо лӱдыкшыдымӧ продукцийым лукташ пеҥгыдын  йодеш. Сырзаводышто палемдат: тиде кугу сеҥымаш да тидын годымак кугу ответственность. Молан манаш гын, Шернурысо сырым Россий мучко налыт. Кажне еҥ сай качестван продуктым ойырен налын кертшаш. Тиде стандарт предприятийын продукцийжылан лишыл да тора  йотэл рынкылашке лекташ кугу ончыкылыкым сӧра. Элысе рынкыштат тудо чот кӱлешан. Ужалкалыше кугу кевыт- влак сатум ситарышым ойырымышт годым, эн ончычак сертификатым ончат. Шернур сырзаводын сату ӱмбалныже ешартыш  увер лиеш. Тушто возалтеш: компанийын кочкыш сатужын лӱдыкшыдымылык шотышто менеджмент системыже тӱнямбал стандарт дене келшен толеш.

Прошлые выпуски