Шушаш кеҥежым Марий Эл гыч Сочишкат чоҥешташ лиеш

                    У ийыште Йошкар-Ола гыч Моско ден Санкт-Петербургыш гына огыл, Сочишкат чоҥешташ лиеш. Юж транспорт федерал агентство 2021-ше ийыште субсидийым ойырымо маршрут- влакын спискыштым пеҥгыдемден. Шушаш ийын тыгайже 266 лиеш. Идалык мучко калыкым 21 авиакомпаний шупшыкташ тӱҥалеш. Тидлан федерал бюджет 7 миллиардат 700 миллион утле теҥге оксам ойыра. Субсидирований программыш Йошкар-Олат пурен. Тидыже кок корно нерген ойлалтеш. Иктыже Санкт-Петербург. Арняш кок гана рейсым «РусЛайн» авиакомпаний шукта. Регион 60 процентшым тӱла. Тыгаяк софинансирований дене Сочи могырышкат арняш кок гана чоҥештылаш тӱҥалеш. Но рейс- влак июнь гыч сентябрь мучаш марте шукталтыт. Москошко рейс- влак аралат кодыт. Самолёт арняш кум гана чоҥешта. Сочишке акше эше пале огыл.

Прошлые выпуски