Шушаш рушарнян Марий Тиште кечым палемдаш тӱналына
Шушаш рушарнян Марий Тиште кечым палемдаш тӱналына. Тиде кече дене Республикым вуйлатыше, Марий Эл Правительстве Председатель Юрий Зайцев республикысе калыкым саламла. Пайрем кышкарыште республикыште идалык еда шанче, туныктыш, тӱвыра мероприятий- влак эртаралтыт. Тений ятыр мероприятийже писатель –классик- влак Майоров-Шкетан ден Сергей Чавайнын 125 да 135 ияш лӱмгечыштлан пӧлеклалтыныт. Тиде датым марий- влакын тӱшкан илыме кундемлаштат палемдат. Марий йылме илышын шуко шӧрыныштыжӧ кучылталтеш. Тудым кумдан кучылташлан Марий Эл Правительствын полшымыжо дене газет ден журнал, тунемме да сылнымут литература савыкталтеш. Марий йылме интернетыште чолган шарла: йылмын калыкле корпусшым, синтезатор ден марий ойым пален налше йӧным, электрон мутер ден кычалше системе- влакым ыштыме. Кугезына- влак деч куснышо чыла шинчымаш тек аралалт кодеш. Самырык тукым шочмо йылмым тунемаш кумылжым ынже йомдаре, аралыже да вияҥден толжо. Пайрем дене! - возымо республикым вуйлатышын саламлымашыштыже.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
