Спорт нерген
Звенигово оласе «Водник» стадионышто 6-шо гана кадет да казак- влакын шыжымсе погынымашышт эртен. Мероприятийым ола администраций, Кокшайскысе станичный казак ушем да Йошкар-Ола епархйын Олык-Марий благочинийже ямдыленыт. Таҥасымашке Звенигово да Волжский районласе кадет, казак класслаште тунемше 13-17 ияш тунемше- влак ушненыт. Кажне куд командыже 10 еҥан лийын. Рвезе- влак лӱйкален моштымыштым, автомат да противогаз дене казак версташ куржын кертмыштым, шашке дене укшым руэн, автоматым жаплан рончен- поген, кӱзым мишеньыш кышкен, кандырам шупшын кертмыштым ончыктеныт. Тыгак нуно историй дене викториныште шинчымашым тергеныт. Чыла командыжат сай лектышым ончыктен. Но икымше верым Волжск ола гыч «Защитник» воин йӱла клублан пуымо. Кокымшо верым Красный Яр школын «Память» военно- патриот клубшо налын, кумшо вер Звениговысо лицейын «Факел» клубшылан логалын.
Оренбург областьыште Кугу Ачамланде сарын участникше А.Кутуевым шарныме лӱмеш греко-рим кучедалмаш дене виш турнир эртен. Тушко Волжский районысо самырык спортсмен- влакат миеныт. Российысе кундемла гыч чылаже 25 команде да Казахстан гыч кум команде погынен. Волжскысо кучедалмаш школын спортсменже- влак эн виян- влак коклаш логалыныт. Шӧртньӧ медальым Владислав Бырля, Иван Козлов сеҥен налыныт. Той медаль Богдан Конаков ден Алмаз Солдатовлан логалын.
Оренбург областьыште Кугу Ачамланде сарын участникше А.Кутуевым шарныме лӱмеш греко-рим кучедалмаш дене виш турнир эртен. Тушко Волжский районысо самырык спортсмен- влакат миеныт. Российысе кундемла гыч чылаже 25 команде да Казахстан гыч кум команде погынен. Волжскысо кучедалмаш школын спортсменже- влак эн виян- влак коклаш логалыныт. Шӧртньӧ медальым Владислав Бырля, Иван Козлов сеҥен налыныт. Той медаль Богдан Конаков ден Алмаз Солдатовлан логалын.
