Таче Марий Элысе виктемжым ыштымылан 10 ий темеш

                 Таче Российысе следствий комитетын Марий Элысе виктемжым ыштымылан 10 ий темеш. Следствий комитетын органже- влак чыла неле осал паша дене уголовный дела- влакым шымлат. 2020-шо ийыште следствий виктем осал паша шотышто кок тӱжемат 600 утла уверым терген лектын, 641 уголовный пашам шымлен пытарен. Нунын коклаште 56-шо пуштмаш дене кылдалтын, 20-жо- тазалыклан неле эҥгекым кондымо да колымашке шуктымо, 15 виешлымаш, 6 налог преступлений, 81-тыже пого ваштареш, 14-ше пашадарым тӱлыдымӧ, 130-жо кучемын еҥже ваштареш осал паша дене кылдалтыныт. Коррупций дене кылдалтше 35 пашам судыш колтымо, ийготыш шудымо 68 еҥым мут кучаш шогалтыме. Эҥгекым кондымылан 63 миллион теҥге оксам пӧртылтымӧ.

                Республикым вуйлатыше Александр Евстифеев следствий виктемым вуйлатыше Александр Мигушов лӱмеш саламлымашан телеграммым колтен. Тудо ведомствын коллектившым лӱмгече дене саламлен да правам аралыше структура 10 ий жапыште шкенжын кӱлешлыкшым да пашам ыштен моштымыжым пеҥгыдемден ончыктен, - манын каласен.

Прошлые выпуски