Тазалыкым пеҥгыдемдаш оксам тӱлыде кошташ лиеш

               Латшымше, 18-ше да 19-ше сентябрьыште республикысе спорт оралтылаште «Шыже марафон» акций эрташ тӱҥалеш. Нине кечын школышто тунемше да студент- влак студент билетым ончыктен, спорт объектлашке оксам тӱлыде пурен кертыт. Йошкар-Оласе вӱд спорт полат, Козьмодемьянскысе «Юл» бассейн, Приволжский посёлкысо «Приволжский» ФОК тӱшкан мунчалтыме да ийме сеансым эртарат, Рӱдӧ  оласе «Дружба» стадионын Ий полатше «Марий Турек» ий полат коньки дене тӱшкан мунчалтыме сеансыш ӱжыт, Юрино посёлкысо «Юбилейный» ФОК-ын тренажёр залже, Йошкар-Оласе «Дружба» стадионын куржталме корнылаже дене яра пайдаланаш лиеш. «Шыже марафон» акций кажне муниципал образованийыште эртаралтеш. Кушко яра  мияш лийме нерген уверым район администрацийлаште пален налаш лиеш.

Прошлые выпуски