Тазалыкаралтышышке у цифран технологий утларак да утларак шыҥдаралтеш
Россий президентын калыкле проектше кышкарыште республикысе тазалыкаралтышышке у цифран технологий утларак да утларак шыҥдаралтеш. «Тазалыкаралтыш» калыкле проектым шыҥдарыме пашам республикым вуйлатыше Александр Евстифеев шке терген шога. Тиде проект кышкарыште Марий Элыште «Единый Кугыжаныш увер системыште тазалыкаралтышыште цифран ик контурым ыштымаш» регионысо проект илышыш шыҥдаралтеш. Тудо кундемысе тазалыкым аралыме пашам саемден колташ манын ышталтеш. Тидлан медицина организаций- влакын вашкылым ыштыме механизмышт чоҥалтеш. 2024-ше ий марте регионысо проект почеш цифран технологий шыҥдаралтеш. Тудыжо отрасльын единый цифран контуржым чумыраш полша. Тидлан кугыжаныш медицина организаций- влакым увер да телекоммуникаций оборудований дене пойдарат. Тыге 2024-ше ий мучаш марте Марий Элысе медицина тӧнеж- влак республикысе калыклан кугыжаныш полыш порталыште «Мыйын тазалыкем» личный кабинет гоч кӱлешан электрон медицина документ- влак дене пайдаланаш йӧным ыштышаш улыт. Проект почеш республикыште тӱжемат 116 компьютер техникым да 552 офис техникым, врач- влаклан кок тӱжем утла цифран электрон подписьым налме. Тыгак бюджет кӱшеш «Вашке медицина полышым виктарымаш», «Льгото дене эмым ситарымашым виктарымаш» увер системын у модульжым налаш тӱналыт. Тымарте «Полышлан толшо пациент- влакым виктарымаш» модульлан оборудованийым налаш аукцион эртен. Республике тыгак поликлиникылашке электрон черетлан монитор- влакым налшаш. Медицина тӧнеж- влак шотлен лукшо сетьым кумдаҥдашлан да уверым аралашлан эше 12 миллион теҥге оксам налыт. Тений гына проектым шыҥдараш 137 миллион теҥгем колташ палемдыме. Тушечын 97 миллионжым федерал бюджет, 8-ше утлажым республикын казнаже ойыра, эше 32 миллионжо моло вер гыч пура. Тазалыкаралтыш министерствын увертарымыж почеш икымше ноябрьлан тушечын 61 миллионжым пашаш колтымо.
