У ветеринар лабораторийлан оборудованийым налаш оксм ойырымо

           Марий Элым вуйлатыше Александр Евстифеев Республикысе ветеринарий лабораторийын чоҥалтше лабораторий корпусшым оборудований дене пойдараш 19 миллионат 500 тӱжем теҥгем ойырен. Тидын шотышто распоряжениеш таче кидпалыжым пыштен. Документ дене келшышын ветеринарий комитетлан 19 миллионат 534 тӱжем теҥгем тӱвыт раш ончыктышо, кӱкшӧ технологиян оборудованийым налаш пуалтеш. Тиде объектым тений чоҥен шуктышаш улыт. Ончылгоч оборудованийым налме дене зданийым жапыштыже пашаш колташ лиеш. Тидын нерген Республикым вуйлатыше Александр Евстифеев изиш ондакырак тиде лабораторийым чоҥымо йодыш дене эртарыме совещанийыште ойлен ыле.

           Фото: «МедиаПоток»

Прошлые выпуски