Валерий Кульшетов илыш дене чеверласен
Ойган увер. Марий Элысе композитор- влак ушемым вуйлатыше, Россий искусствын сулло деятельже, уста семмастар Валерий Дмитриевич Кульшетов илыш дене чеверласен. Тудо кок арня гыч 70 ийым тема ыле. Шке жапыштыже Мемнан марий телевиденийыште музыкальный редакторлан тыршен. Валерий Дмитриевич 200 утла мурын авторжо, 400 наре аранжировкым ыштен. Тудын тӱналтышыже почеш Палантай лӱмеш тӱвыра да сымыктыш колледжыште «Эстрадын сем сымыктышыже» туныктымо пӧлкам почмо. Медведево районысо Кузнецово селан Рӱдӧ уремыштыже кастене ГАЗ машинам виктарышыла комбайн дене ваш тӱкнен, эмлыме верыш наҥгайыме. Но операций полшен кертын огыл. Валерий Димтриевич Кульшетов дене чеверласымаш эрла, 4-ше октябрьыште 9 шагатат 30 минутлан Палантай лӱмеш тӱвыра колледжын академический сем факультетыштыже але ончычсо семын музыкальный училищыште лиеш.
Фото: Марий Элысе композитор- влак ушем.
Фото: Марий Элысе композитор- влак ушем.
