ВДНХ-ште Россий Федерацийсе чодыра озанлыкын 2023-шо ийысе пашажын тӱҥ лектышыже нерген совещаний эртен
Москошто ВДНХ-ште Россий Федерацийсе чодыра озанлыкын 2023-шо ийысе пашажын тӱҥ лектышыже да 2024-ше ийлан задаче- влак» Россий кӱкшытан совещаний эртен. Тудын пашаштыже Марий Эл Правительстве Педседательын алмаштышыже Дмитрий Троицкий ден пӱртӱс поянлык министр Алексей Киселёв участвоватленыт. Мероприятийыште эртыше тул лӱдыкшӧ тургымым, чодырам уэш шндымым, Чодыра комплексын ФГИС-шым шыҥдарымым, «Чодырам аралымаш» федерал проектым уэмдымаш, у экономик йӧныштӧ чодыра дене пайдаланыше- влаклан полышым пуымашым да моло йодышымат каҥашеныт. Погынышо- влак ончылно Россий Правительство вуйлатышын алмаштышыже Виктория Абрамченко, Рослесхозым вуйлатыше Иван Советников ойленыт. Марий Элыште 2019-ше ий годсек «Экологй» проектын «Чдырам аралымаш» регионысо проектше кышкарыште «Авиалесоохранын» материальный базыже пеҥгыдемеш. 2023-шо ий марте 54 единице чодыра тулым йӧртышо техникым, 525 единице оборудованийым налме. Кодшо ийын кум тӱжемат 837 гектареш изи пушеҥгым шындыме. Руымо да йӱлышӧ чыла чодыра олмеш у кушкылым шындыме.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
