Йошкар-Олаште 9 площадкан у спорт комплекс лиеш
Йошкар- Ола воктелсе Семёновка селасе Молодёжный уремыште оласе кучем физкультурно- оздоровительный комплекслан площадкым чоҥаш ямдылалтеш. Площадкым Олимпий резерв училище пелен ыштат. Комплекс кумдыкышто 9 площадке лиеш. Ныл куржталме корно, стритбол дене модаш да кӱкшытыш тӧрштылаш площадке, хоккей коробко, воркаутлан да кужытыш тӧрштылаш вер лийшаш улыт.
