Йошкар-Олаште эше ик ТОС шочын
Йошкар-Олаште эше ик ТОС-ым ыштыме. «Звёздный» микрорайонышто илыше- влаклан кӱлешан событий лийын. Йошкар-Ола депутат-влакын погынымаштышт «Звёздный» Микрорайон» территориальный общественынй самоуправленийын чекшым палемдыме да регистрироватлыме шотышто пунчалым лукмо. Звёздный округ деч депутат Александр Бастраков теҥгече тиде ТОС-ыш пурышо- влак дене вашлиймашым эртарен. Погынышо-влак депутатлан тӱрлӧ йодышым пуэденыт. Тиде микрорайонышто чолга да инициативан ятыр еҥ ила. Нуно вучен шинчаш огыл, а шке сай вашталтышым ышташ ямде улыт. ТОС-ын ятыр йодышым виктараш праваже уло: шке кундемыште порядкым ышташ, пошкудо- влак дене ваш-ваш полышым ышташ, пырля пайремым эртараш да молат. Мероприятийым эртараш ресурсымат муын, калыкымат ушен кертыт. ТОС - Верысе самоуправленийын шке шотан участникше улеш. Сандене верысе самуоправлений могырымат, кугыжаныш велымат полышлан ӱшаным кучен кертеш.
