Йошкар-Ола- Козьмодемьянск кугорно федерал погыш савырнен
Йошкар-Ола- Козьмодемьянск кугорным федерал погыш кусарыме. «Волговятскуправтодорын» оперативный виктарымашкыже «Поветлужье» автокорнын ужашыжым пуымо. Тудо Угарман областьын чекше деч Йошкар-Ола марте 167 меҥгыш шуйна. У трасса регионласе ныл корным ушен шога. Тиде Копорулиха- Подгорный- Угарман областьын чекше марте 8 меҥге, Озёрки- Марьино- Юрино- 47 меҥге, Йошкар-Ола- Козьмодемьянск 92 меҥге да Йошкар-Олам йыр савырныме корно. Лишыл жапыште специалист- влак федерал корнылан паспортизацийым ыштышаш да корнышто кощтмо проектым ямдылышаш улыт. Корнын палынак шолдыргымыжым шотыш налын, Управлений эн ончычак корным телым пайдаланаш норматив марте шукташ шона.
